周日（5日）沙田八草三泥賽事，草地用最狹窄之C加3跑道，天文台預測大致天晴，估計場地掛牌為好地。

最近一次以田草C加3欄角逐係6月14日，當日轉彎賽只得「加州更好」一放到底，其餘頭馬都係留住爆一段或後上。

今戰列陣馬中，頭場新馬賽1200米「禪勝寶駒」、第七場四班1400米草地「恆駿寶駒」及「舉世無雙」，第九場四班1600米草地「超勁勇士」，上場正是於田草C加3欄贏馬。

至於三場泥地路程皆為1200米，亦係今季最後三場泥地賽，剛周三（1日）「怡昌福星」及「陽明滿滿」均跟守前五位建功，留得太後好難追。

今次第八場三班1200米「加州凱歌」，有望以贏馬之守好位跑法標泥地尾會。