爽口澳洲貨每斤400元
澳洲龍蝦爽口清甜,價格企穩每斤逾400港元。程志遠攝
【本報訊】美國龍蝦冧價,但標榜質優爽滑的澳洲龍蝦,價格企穩每斤400港元樓上,今年已升逾一成。澳洲龍蝦深受中港老饗愛戴,坊間普遍認為清甜爽口,而波士頓龍蝦肉則「䊹啲」,質素有明顯分別。不過,被稱為「食神」的大榮華酒家董事總經理梁文韜卻不以為然,直言若將兩種蝦同時間「就地正法」品嚐,味道沒甚分別。
「老老實實,我自認第一(食龍蝦),我覺得差唔多,最緊要一樣嘢,係咪生劏,龍蝦就嚟死會縮頸,一縮頸,水份就會流失,食起上嚟,會䊹身啲鹹啲。如果大家同時間,一齊劏,所差呢……無幾箒!」他補充:「我食過最好食嘅龍蝦,係未夠1磅嘅,好食到呀……嘩!真係人間美味,係波士頓龍蝦。」
著名食家、龍皇酒家老闆幟哥(黃永幟)卻唱反調,「美國龍蝦冇咁多肉梗係冇咁好食,而且淡味啲,肉少啲,但比其他地區嘅龍蝦平好多」,「澳洲龍蝦肉爽啲,甜啲同埋有龍蝦味啲」。質素較高,賣價當然較高,「𠵱家南澳嘅龍蝦賣緊400幾蚊一斤,唔會跌價,因為呢個時間閂咗季唔畀捉」。
灣仔輝記海鮮負責人盧先生指,澳洲龍蝦向來比美國及加拿大龍蝦貴約三倍,因為澳洲龍蝦清甜爽口,既可做刺身,也可以蒸焗,但美國及加拿大龍蝦肉質較削,味道較淡。
鯉魚門妹記海鮮老闆羅盛興表示,內地對澳洲龍蝦和菲律賓花龍蝦的需求強,本地供應商經常被搶貨。兩個品種售價已從08年約200元一斤,升至現時逾400元,一隻三斤多已需1,300元。本地龍蝦也從去年的每斤200元漲升至今年240元至250元。但波士頓龍蝦則跌價約兩成,每斤介乎88至100元。
講電影變講國情,阿澤彭導最後一星期做嘉賓,
未睇?即上《亂噏24》重溫!
http://bit.ly/appletalk24