【韓流】製作組禁止去洗手間?劉在錫「嬲豬」拒錄影
Running Man金鐘國劉在錫
韓國綜藝節目《Running Man》(RM)將於後日播出最新一集,節目組今日公開咗「累積企劃——半半旅行」特輯嘅預告相,節目組透露最新一集將會選出特輯中最終接受懲罰嘅成員,
據悉最新一集《RM》中,8位成員要喺限定時間內逃離上咗鎖嘅房間,甚至因為冇得離開拍攝場地,錄影途中連洗手間都冇得去,搞到本身有需要去洗手間嘅劉在錫「嬲豬」大爆發,直言用門做遮掩就鑽入書架扮如廁,及後李光洙更搞鬼表示製作組會幫忙打格仔遮掩,引起爆笑。
另外,《RM》成員金鐘國落實演出新綜合節目《龍年俱樂部:不知天高地厚的Bromance》,將與同樣於76年出世嘅演藝界好友如車太賢、張赫、洪京民、洪慶仁等合體拍攝,係5兄弟認識20多年來首次合體亮相綜藝節目。