曾參演日劇《交響情人夢》嘅33歲男星小出惠介，最近爆出性醜聞，一名17歲少女指小出惠介喺大阪拍劇期間，趁女方飲醉後帶往酒店禁室培慾6小時，內容指小出五次性交過程更曾在少女體內射精，有傳女事主曾向小出索取500萬日圓（約35萬港元），由於最後都係冇收錢，少女才向傳媒爆料公開事件，懷疑小出誤墮桃色陷阱。

今日，富士電視台節目訪問17歲少女嘅一名舊愛，踢爆女方並非在不情願狀況下被侵犯，受訪者公開證據指女方曾在LINE直擊約小出當晚過程，更形容女方十分高興。

小出已被所屬Amuse事務所停工處分，有傳佢將於本周開記招向公眾道歉，而小出有份參演香港導演陳嘉上執導新戲《蕩寇風雲》，陳嘉上都話：「好無奈，知道係醉酒累事，照我所知佢演出好好，對佢好有信心，希望佢好好企返喺身，佢戲演得好好。」有關小出嘅負面消息越傳越多，今日再有自稱曾與小出發展性關係嘅30歲失婚婦人，接受今期雜誌《女性自身》訪問時大談不愉快經歷，直指小出醉酒後的確愛講英文，二人於兩年半前喺朋友聚會上認識，繼而透過LINE短訊聯絡，小出主動約會後再到其寓所發展進一步關係，爆料者被形容貌似篠原涼子，佢指小出當時拒絕戴避孕套，大被同眠共性交三次，更在其體內射精。

另外，小出被飛福士蒼汰主演嘅NTV電視台7月新劇《曾經愛過，是有秘密的。》，改由曾跟小出合演日劇《為了N》嘅27歲男星賀來賢人頂上。