前組合E-kids成員阮民安(Tommy)早前因炒賣空頭BIGBANG黃牛飛，被警方要求助查，噚晚佢喺中環出席一個開幕活動時表示，事件已解決：「冇任何不快事，有同警方合作。我以後都唔會做中間人，唔會再幫人買飛，依家已經退晒錢，搞掂晒。」

Tommy仔都唔係首次傳出同錢銀有關嘅負面新聞，之前傳佢因為好賭，欠落周身債，仲搞到要同貴利借錢，06年喺澳門賭錢借貴利搞到俾大漢脅持返香港籌錢，舊年同今年又被爆借「財仔」。所以學佢本人話齋，真係以後唔再掂呢啲錢銀嘢至好呀。