距離立法會選舉只有約半年時間,民主派陣營正朝着取得過半數議席的目標進發。與區議會選舉的單議席單票制不同,立法會地區直選實行的是比例代表制,除了得票多,如何將選票發揮最大效益是致勝關鍵。曾提出民主派有可能取得過半議席的學者認為,最重要向選民解釋民主派要取過半數的「大局」重要性,以公開、透明的追蹤民調,了解各參選名單支持度,向選民推出「推薦名單」。
記者 呂浩然
光復區會後,民主派下一步能否光復立法會?不少人對民主派取得過半數的36席存疑,中大政治與行政學系高級講師蔡子強就以2016年立法會選舉中,民主派共取得30席為基礎分析,認為民主派今年要再下一城,拿下過半數議席並非不可能。他接受《蘋果》訪問時稱,達成過半數議席的目標是「難,但係有機會」,當中直選方面的九龍東和新界西兩區,認為只要成功協調,就能取得比建制派多的議席。
按上屆選舉結果,民主派及本土陣營在九東及新西所得總得票雖逾半,分別為54%及55%,但議席上卻較建制陣營少,前者5席中只取兩席、後者9席中取4席,民主派在各名單分票下反而較建制派集中票源輸蝕。今屆立法會選舉,民主派如何協調正是關鍵所在。
蔡子強指建制派得票比民主派少但議席卻較多,「其中一個關鍵就係建制派比較能夠睇透個遊戲,亦都背後有強而有力嘅指揮⋯⋯結果好多時佢(建制派)喺啲選區入面,佢出嘅名單就係啱啱好,即係佢(預計)攞到N席,咁佢就可能出N張名單,甚至係N+1、多少少,就係佢最能夠善用啲選票。」
他坦言有大量資源做賞罰的中聯辦,顯然能在建制背後作出協調,相反「香港民主派背後無個咁嘅組織,『無大台』文化亦都根深蒂固,所以首先(如要取過半數議席),就要大家明白有個咁嘅戰略目標:大家要做啲犧牲。」
蔡提到的「犧牲」是民主派陣營要思考,如何發揮好選票效益。他認為以初選定出選名單難度很大,一方面民主派夠民主,「無大台」,另一方面是選民在6、7月間、即報名提名前未會有投票決定,故往往舊人、已有議席的政黨佔優,他建議透過追蹤、滾動式民調持續追蹤各參選名單的支持度,到投票日前數天再分析累積民調結果,了解選民意向分佈,然後推出「推薦名單」,並作出「棄保」。
「棄保」策略在台灣進行得頗為成功,蔡認為,香港能否做到就是香港要思考的問題:「如果冇咁嘅機制,我哋係咪真係心甘情願浪費大量嘅選票呢?」他指這方面的責任不在選民身上,「你永遠唔能夠話嗰個係選民嘅責任,選民唔係(按推薦名單)咁投都要尊重選民嘅決定,有乜好鬧?」認為責任在於民主派有否好好地向選民解釋清楚,說服選民接受這機制,例如「點解我(選民)要犧牲個人嘅選擇,然後投一個勝算比較高嘅候選人?你要解釋到畀佢(選民)聽個大局喺邊」,同時民主派亦要「尊重大局」,「好多時候都唔能夠對『大台』咁反感,問題(其實是)大台個機制係咪能夠有高透明度,同埋有公正性?呢個可以傾。」
蔡估計,民主派若未能翻盤、建制派若繼續控制議會,磨刀霍霍的《基本法》23條立法必然會來,「依家咁嘅氣候(通)過23條,個23條嘅版本一定比起2003年嗰時辣好多」,反之民主派控制到議會,即使未能抵抗惡法,亦至少可打破主權移交20年來的悶局,「如果今次最接近都唔做一啲嘢,咁嗰個悶局只會繼續,或者甚至越嚟越差。」
-----------------------------
【武漢肺炎】專頁 全民自救 抗疫資訊盡在《蘋果》
-----------------------------
【撐學生】
召集有心人 撐學生全年睇《蘋果》
立即按此