羅先生一家三口去年十一月,獲房署編配入住天水圍俊宏軒一個全新單位。
收樓時,羅先生發現屋內有多處不妥,包括:窗邊、冷氣機位牆身及天花板頂都有空心情況,他即時要求修葺,承建商於十二月份將原有批盪鏟走再鋪回後,他便找裝修師傅進行全屋裝修及貼牆紙。
收樓發現多處不妥
「點知整完之後重衰過之前,唔夠一個月,啲批盪連埋牆紙一齊墜落!𠵱家個客廳有四分一批盪都係咁半天吊,最驚係唔知幾時會跌落嚟,壓中屋企人,我個女重好細咋!」羅先生不滿承建商批盪馬虎,令他白花了一筆裝修費。
他多次向管理處投訴,至五月份再有工程人員上門檢查,但至今仍未交代報告結果。
房屋署新聞組發言人回覆指,該屋苑屬居屋改為公屋出租用途,自去年六月落成後,沒有做過任何翻新。入伙以來,只接獲羅先生這宗石屎剝落投訴。