韓國男團JYJ嘅朴有天將於下月27號入伍，佢所屬嘅事務所今日就話朴有天今次會同隊友金在中一樣都會選擇安靜入伍，而朴有天喺入伍前已於2號喺韓國舉行粉絲見面會，而佢擔任配音嘅《奇跡的鋼琴》亦即將上映，估計佢入伍前會完成晒手頭上嘅工作。

至於之前盛傳另一男團SuperJunior嘅崔始源將於今年內入伍，佢所屬嘅SM事務所只話：「入伍嘅確實日期仲未定下來，計劃劇集結束後就入伍。」，直到今日SM方面就話：「始源最近申請加入第333期義務員警特長兵，並得到合格通知。預計兵務廳將喺30日內向始源發出入伍通知書。始源計劃將喺年內入伍。」

據知始源下月將會開拍MBC新劇《她很漂亮》，完成劇集後佢就會入伍，而佢亦會喺SJ中繼強仁、金希澈、利特、藝聲、神童、晟敏之後，第七位入伍嘅成員。