慧妍雅集會長劉倩婷、陳法蓉、王愛倫、岑杏賢等今日喺柴灣出席「慧妍雅集一諾成真慈善金曲匯」，同場仲有蘇永康、薛家燕、阮兆輝、阮德鏘等，劉倩婷老公李丞責同媽咪都有嚟支持，佢哋亦以囡囡李阡辰名義擔任6位數字嘅白金贊助，劉倩婷話：「希望佢將來大個，都會多啲照顧老人家。」講到囡囡快2歲，劉倩婷表示除咗做慈善活動外，仲要幫囡囡搵幼稚園，佢透露囡囡最鍾意伏喺爸爸膊頭瞓覺。問佢會唔會追個小情人？劉倩婷笑住話：「我已經搵到個老情人，追多個就暫時唔會。」

上年慧妍雅集一次活動，陳法蓉同梁小冰因為一件外套引起一陣風波，最終小冰宣佈退會（新聞連結： http://bit.ly/2C2wJwY ），今日活動所有會員都着住整齊會衫，陳法蓉話：「因為天氣凍，大家有着會䄛，起初仲話要唔要着羽絨打底，但又熱番。」之後佢轉話題指近日有報道指有高層可影響港姐嘅賽果，佢指：「咁多年，乜嘢傳聞都有，港姐咁多年歷史，又係城中定人選出嚟，又有專業會計師，真係有高層影響得奬名單，我覺得冇乜可能，我反而覺得係一個男人呃女人上床嘅一個騙案。」有冇批㬹爭位？佢話：「我嗰年就冇，反而我拍過一個慈善電影，當時另一個台嘅選美得奬者行出嚟，一㬹鬆開我，仲搶埋我句對白，後來睇番套電影，我覺得佢批得好自然。」

至於蘇永康指囝囝現時萬千寵愛，仲透露佢嘅ig喺一年內多咗萬幾人，佢話：「全部都唔係我嘅fans，我唔會呷醋，因為佢係我個仔，佢係獨生子，所以0依家上緊playgroup，想佢習慣下群體生活，因為佢0依家開始識扭計，係冇眼淚咁喊，我通常做黑臉，會罰佢，亦會奬勵佢。」