韓國男團BTS（防彈少年團）喺全球人氣高企，不過人紅自然易惹是非，近日BIGBANG成員T.O.P嘅23歲舊愛韓瑞希喺直播時指自己19歲嘅時候喺夜店遇到V，即時引起網民炮轟佢炒作。

而BTS所屬事務性所噚日就透過官方專頁發出聲明，指網上有關惡意評論、誹謗、散佈虛假事實等言論，對於侵害藝人嘅名譽損害，佢哋將採取法律行動，同時指已由前年開始喺粉絲協助下，搜集有關惡意評論嘅證據，並根據國家嘅「侮辱罪」同埋「散佈虛假事實並進行名譽毀損」提出訴訟，大部份案年亦已進行刑事處理完畢，部份案件仍在調查中。

另外，根據韓國調查機構就今個月調查統計，BTS連續5個月成為今個月「Idol Chart」嘅「周榜、月榜、累計榜」冠軍，而Wanna One嘅姜丹尼爾就連續12周獲得粉絲投票第一位。

更多韓流，喺晒《娛果》
http://fb.com/appledailyent