當年今日
關於我們
《時代》雜誌當通勝睇牛牛估後市
蘋果日報 2013/09/17 06:00
時代雜誌
最新一期《時代雜誌》以牛為封面主角。據往積顯示,股市一年後上升的機會率達67%。
想知後市方向?《時代》雜誌有啟示!話說最新一期書,以牛作為封面。大家都知,股仔都係迷信嗰批人。一直以來股市都有個講法,當主流雜誌唱好個市,個市就一定跌到媽媽都唔認得。
不過,有人就好認真地搵番晒所有舊封面,發現過去65年,《時代》雜誌共有9次講股市時,以牛做封面,再統計出版日後一年道指表現,發現6升3跌。咁講法,1年後股市升嘅機會高達67%。所以《時代》雜誌封面呢隻牛,實際係好兆頭呢。