【炳哥表妹】陳曼娜由6呎高閣樓墮地 腦部有瘀血留醫14日
蘋果日報 2020/09/05 19:38
陳曼娜跌親後腦醫院
（facebook圖片）
陳曼娜（Manna姐）的表哥譚炳文今早因肺癌離世，原來Manna姐最近亦住了一段時間醫院，她由高處墮下跌傷後腦，留院足足14日，至昨晚才返家休息。Manna姐今日接受《蘋果》訪問時，聲音略帶沙啞說：「我剛喺醫院出嚟，早兩星期我上屋企個儲物室閣樓攞嘢，都超過一個人咁高，可能條樓梯放得唔夠穩，我成個人跌咗落地，人向後，頭落地就整傷咗個後腦。」
Manna姐表示起初不打算去醫院，但後來發現流鼻血、頭暈兼作嘔，故致電女兒急送入院，檢查後發現左額挫傷、右硬膜下少許出血、右側顳骨骨折（一條細線）及乳突內有液體，她續說：「阿女話唔得一定要入院檢查，先後做過兩次腦部掃描，發現腦部有瘀血，耳仔都有啲，好彩冇影響聽覺。而第二次驗好重要，最驚照出嚟個腦有咩事，惡化要做手術就大鑊，好彩都冇，現在只係等啲瘀血散。」
Manna姐雖然在山頂一間醫院住獨立房，但因疫情無得周圍走，令她特別想家，她說：「喺醫院好悶㗎，又唔可以行嚟行去，醫生話冇乜藥可以食，都係等瘀血散，所以畀我返屋企休息，屋企張床都大啲啦。」她表示沒有刻意向朋友透露，她解釋：「費事人擔心啦！早前我有份拍嘅微電影《孽鏡台》喺美國影展攞咗『最佳原創微劇情獎』，沈震軒仲得男主角，一班台前幕後話食飯慶祝我都去唔到，因為而家耳仔wing吓wing吓，仲需要休息。」
陳曼娜入院14日，在山頂一間醫院住獨立單人房。（facebook圖片）
陳曼娜是圈中富婆，育有一子一女。（facebook圖片）
Manna姐早前與沈震軒合作的微電影《孽鏡台》，於第七屆《創＋作》微電影（專業組）中獲得四個獎項，沈震軒更獲得「最佳微電影男主角」。（facebook圖片）
Manna姐年輕時參選由邵氏公司舉辦的香港玉女選美比賽，得到季軍。（facebook圖片）
Manna姐當年過檔HKTV幫王維基拍劇，可惜不獲發免費電視牌。（facebook圖片）
-----------------------------
《蘋果》英文版免費試睇：了解更多
-----------------------------
《本土情味》結集《飲食男女》雜誌經典欄目「老字號」文章，記錄香港40家飲食老店的動人故事，見證香港飲食史的甜酸苦辣。即日起，於各大便利店及書報攤有售，並於 《蘋果日報》你的優惠 網上獨家發售！