第37屆香港電影金像獎仲有唔夠一個月就到,近日志雲大師就喺網台節目《大開眼界》入面,連同其餘兩位主持甄詠蓓、林家謙論盡金像獎,由影帝影后、男女配角,講到最佳編劇、美指、服裝、電影等等,仲分享唔少花邊趣聞,例如其中一集志雲大師就講到,有一位男演員曾經獲10次提名「最佳男主角」,但每次都鎩羽而歸,究竟邊位咁唔好彩?原來係演藝圈大哥成龍!
另外,由今日(3月22日)起仲有明星專訪系列,頭炮邀請到應屆「最佳女主角」提名之一嘅Stephy(鄧麗欣)盡訴心中情,有興趣嘅讀者可以喺OpenSky.tv睇足本。