【三屆冠軍練馬師】方仔用潘頓照樣爆！五班冷門馬特別醒神？
蘋果日報 2019/08/07 16:02
潘頓方嘉柏綠色有運喜勝勁駒
綠色有運用潘頓爆冷贏馬
上季何澤堯騎技大進，當然更受到師傅方嘉柏重用，騎練合作共勝出11場，更包括憑「跳出香港」贏三級賽，而方嘉柏已表明今季繼續支持徒弟，所以預期呢對騎練合作成績依然美滿。
此外，冠軍騎師潘頓在方嘉柏馬房地位崇高，上季亦合力交出17W，估計今季潘頓仍可在方廐分一杯羹。
至於莫雷拉今季重任公司騎師，過往與方嘉柏亦合作愉快，冇理由賴低佢，估計今季方仔將主要重用上述三騎師。
而賠率方面，方嘉柏一直予人較難捉摸之感，上季亦不乏有冷門頭馬見面，而且就算用到冠軍騎師潘頓，亦曾爆過「喜勝勁駒」、「寶正寶」及「綠色有運」等十倍或以上冷W，可見方嘉柏冷門馬防不勝防。
另外在五班場合，此廐的冷馬演出更特別醒神，上季之「全勝姿態」、「自由旺」、「糖黐豆」、「領闖者」等十倍或以上冷門頭馬，皆在五班賽事出現，所以今季如想命中方嘉柏冷門馬，不妨在低班場合發掘，隨時有意外的收獲。