今朝韋達、莫雷拉及梁家俊都十分積極，為座騎考驗。
韋達操葉廄三駒，「勁飛勁」跳兩段，慢開直路稍加快，含枚俯前情緒集中，落腳輕盈，狀態好對辦。
「軍勇戰略」跳兩段，沿欄大步奔馳，口勁收歛無咁急，力度漸提升。「又襟又準」跳兩段，身靚落腳整齊，但勁勢火氣都未夠。
「肥仔」韋達跳兩段，粗壯馬勤操身材紮實，担咇俯前，大步加速衝刺，當打馬，狀態越操越靚。
「怪獸家長」梁家俊跳兩段，收身靚，情緒好集中，過步開揚勁力貫注，過終點再走到八百米處才收慢。
「太皇鷹」莫雷拉跳兩段，均速完成，馬身脹卜卜，過步暢順有力，勇態洋溢。「甜統」莫雷拉跳兩段，身靚走來有暗勁，大閘省後勇態攀升。

詳盡內容可留意明日<<蘋果日報>>及蘋果馬網 http://hk.racing.nextmedia.com