【更新內容及照片】

灣仔壹嘉今日首日開放現樓示範單位，賭王「四太」梁安琪大仔何猷亨同師傅吳士元一齊響項目售樓處打點及視察參觀情況。

何猷亨話，「壹嘉是係我第一個接觸既地產項目，每個禮拜三都會同同事坐響呢個地盤隔離個寫字樓，同啲判頭開會」，參與樓盤開則及施工。他形容做地產感覺良好，「磚頭係最穩陣，舊野響度呀嘛！」吳士元就話「（何猷亨）同佢媽咪一樣，對地產鐘情。」

尚嘉控股行政總裁吳士元表示，項目首批52伙價錢「抵」，物超所值，定價有參考周遭物業，未來數日將繼續開放示範單位，盡快公佈銷售安排，預期下月初進行首度發售，其餘單位會待首輪賣樓後再決定，至於最高兩層的大單位會考慮以招標形式發售。項目標準戶每呎管理費約4.8元。

樓盤主打細戶並突然以現樓形式開價，事前少有宣傳，屬區內少見安排，吳士元解釋，受一手例所限，未有價單前能夠透露的消息甚少，而且與其舖天蓋地推廣，倒不如在價錢上回饋買家，「（廣告費）都係羊毛出自羊身上。我哋相信啲人買野想睇到自己買個單位係點樣，有3D既感覺，摸到、聞到、睇到。」

吳士元續指，樓盤單位少，所以無提供高成數按揭、亦都無財務安排，開售當日自然會有金融機構向買家推銷相關融資。

記者：陳東陽

掌握財經生活資訊，即Like「蘋果ATM」fb專頁啦！
http://fb.com/appledailyatm