中秋已過，晚間天氣已較清凉，惟日間溫度依然不低。患有腸癌及抑鬱症的46歲強叔，需經常留在家中休息，使用數年的電風扇早前損壞，只因他依靠綜援金過活，生活捉襟見肘，要積存點滴金錢購買一部風扇，也非易事。

獨身的強叔，年輕時曾任職印染業，其後與朋友合資開店做生意，本來經濟環境不錯，生活甚愜意，惟惡運其後卻接踵而至，「我先係有腎結石，之後又驗到有腸癌，要做化療。病已經好辛苦，點知我嗰時投資股票又全部輸晒，仲欠落一身債冇法子還，我受唔住打擊，喺屋企燒炭，結果俾包租婆發現，送咗入醫院，死唔去，但就證實咗我有抑鬱症。」
強叔在醫院接受治療多月，病情終受控制。三年前他出院後，經醫務社工協助，獲編配一個公屋單位，並領取綜援金過活。當時其新居沒有家具電器，幸得蘋果日報慈善基金及其他慈善機構協助，他才有電視機及雪櫃使用，並慢慢建立起一個屬於自己的安樂窩。惟近日其家中電風扇損壞，他無力更新，令他十分心煩。「把風扇個軸有問題，開機嗰陣轟轟聲，我驚有意外，唔敢再用。𠵱家日頭天氣仲好熱，我間屋又唔通風，真係好難捱。」現時仍需定期覆診及服藥的強叔幽幽地說。
蘋果基金得悉強叔苦況，已安排送贈一部全新電風扇給他使用，令他深表感激。
檔案編號：C1499