「蒼老師」蒼井空0依家喺內地好吃得開，中文亦都因為打得多微博而進步咗好多，近日蒼老師返咗東京度歲，日前佢就狂呻當地過年氣氛冇咁濃厚，仲話好想睇煙花添。

前晚蒼老師自爆新年其間患上感冒，仲發埋燒呀，認真慘慘豬，啱啱佢再喺微博貼相，自爆患咗「A型流行性感冒」，又話噚晚過得最唔好，雖然0依家好番啲，但最陰功係一個星期唔能夠出去，咁咪好悶？而唔少網民及粉絲就紛紛血蒼井空送上慰問。

祝早日康復﹗