劉愷威同楊冪今午喺峇里舉行婚禮，過程大約45分鐘，現場熱鬧﹑甜蜜又溫馨，新娘子楊冪聽完誓詞後，更數度拭淚，場面感人。

唔少圈中人包括劉亦菲﹑陳法蓉﹑向海嵐﹑伊能靜及馮德倫等，紛紛喺微博留言送上祝福，劉亦菲話：「永遠幸福」﹑陳法蓉表示：「昨天已經收到喜糖了﹗祝福親愛的新郎新娘@劉愷威@楊冪永遠甜蜜永遠幸福﹗俊威美冪冪相愛相敬相守直到永遠。」向海嵐則說：「恭喜恭喜﹗祝你們白頭到老，永遠幸福快樂。」

而楊冪於傍晚六點半左右，喺微博留言：「謝謝今天的一切，謝謝所有的祝福，謝謝你們，我嫁嘍~!」

至於新郎哥劉愷威，喺微博貼咗張同太太面貼面合照，sweet到漏，佢留言話：「劉先森（生）&劉太太，在這裡謝謝大家的祝福。」

而愷威舊愛廖碧兒，亦大方送上祝福，碧兒簡單留咗句：「Congratulations囍﹗」送畀一對新人。

另外，由於威冪婚禮晚上的晚宴記者冇得採訪，不過夜晚劉愷威就喺網上放咗幾秘片段，佢拎住手提同老婆同一班親朋好友hello咁拍住片，大家都拎起酒杯sayhello，氣氛相當熱鬧。