韓國性感歌姬李孝利早前孖音樂人老公李尚順拍攝真人騷《孝利的民宿》，節目更邀得「國民妹妹」IU做嘉賓。將於聽日播出一集中，IU會以民宿員工身份演出，而一直忙於演藝事業嘅IU坦言嚟民宿打工反而係佢休息嘅方法。

IU向節目組透露：「準備專輯時好大壓力，所以需要休息時間，於是就嚟面試（當民宿員工）。」當IU落實成為《孝利的民宿》一員後，佢就努力睇導遊宣傳冊，又抽時間練習廚藝，似乎非常興奮。

另外，節目組亦公開李孝利跟老公李尚順四目對望做瑜伽嘅預告照。據知李孝利每日淩晨起床就開始做瑜伽，而李尚順亦跟老婆一齊透過做瑜伽嚟維持健康。