周杰倫（周董）一共10場嘅「地表最強2世界巡迴演唱會2018」香港站今晚起喺紅館開鑼，以《英雄》及《雙截棍》等歌曲開場嘅周董，喺唱咗近兩個鐘歌後，終於開口講嘢，佢話：「你們終於來了，有想我嗎？今次的票好買嗎？開10場還不好買？再開好嗎？」觀眾當然叫好，跟住周董用廣東話：「講笑咋！」然後周董再用番國語話：「下一次再開，今次見到很多熟悉的面孔。」然後用廣東話唱出《浪子心聲》同《青花瓷》。

到呢個巡迴觀眾最期待嘅部份——點唱環節，周董再晒廣東話，佢點選完兩位幸運歌迷點唱後，用廣東話問觀眾：「想唔想繼續？想唔想返屋企？」觀眾答唔想，然後周董繼續揀人，結果揀咗個男歌迷，唱《淘汰》。

精選娛聞，喺晒《娛果》
http://fb.com/appledailyent