一代辣車Skyline原來唔覺唔覺已經50歲，記得當年我悠穎馳都用過部R32嚟追女仔，所以每次提起Skyline，總係對佢充滿回憶。而對Nissan嚟講就當然更加意義重大，所以喺4月24日佢哋就搞咗個展覽會展出當年至今12代嘅Skyline。
唔講唔知，原來第一代Skyline嘅售價喺當年都要賣成120萬日圓，當時一個日本大學生畢業後嘅月薪都係得6,000日圓，即係等於200個月人工，而若果將當年嘅120萬日圓換算番𠵱家日本幣值嘅話，車價更高達4,000萬日圓，即係港幣成260萬，買部法拉利都仲得！
至於點解我話日產要喊住口嚟慶祝？皆因上年日產銷量不振，銷量比前年減少15%，只賣得123萬架，結果Nissan宣布今年6月開始除管理階層之外，會請45歲以上嘅一般員工（約12,000人）食肥雞餐以削減人手。呢頭慶祝嗰頭裁員，你話係咪喊住口嚟慶祝先。

悠穎馳
豪邁不羈，愛車如命，聽幾下引擎聲就知咩車！