杜汶澤昨晚在觀塘接受網台訪問，分享創業經驗，他說：「做人要絕處逢生，唔好諗住做一樣嘢太耐就玩完，個腦係生嘅，只要諗啲嘢出嚟就有辦法解決！」杜汶澤表示他的網台經營了一年，頭三個月的廣告已經有7位數字：「以前做過電台節目，嗰陣自己係打工，做得好都冇用，主要收入係公司唔係自己，但係網台唔同。」

阿澤還說：「商台有好多DJ，好多係人格高尚、忠誠可靠，好似林海峰同森美，如果佢哋自己出嚟搞，我呢啲要執笠，呢啲人真係好朋友，忠肝義膽咁幫忙！」他又笑說：「我出咗名係反骨，創業路上最緊要夠膽去挑戰，我40幾歲先開始創業，如果唔係大陸封殺咗我，唔會咁做、唔會三個月有7位數字廣告。」再問會否希望收入提升？他說：「希望今年有8位數字，所有嘢未埋數！」

最近阿澤因台灣選舉有個人見解，不知會否擔心做live chat被鬧？他笑說：「我最鍾意呢啲人，我一聽有人鬧我好興奮，最鍾意見到呢啲，當然你鬧得我就自然鬧得番你喇！」田蕊妮日前表示今年結婚周年會旅行，阿澤說：「每年都係6月左右去，我已經準備咗放一個月，到時會去美國西雅圖，順道出席宗教活動！」至於禮物方面，阿澤笑說：「點都係佢送畀我喇，我係喺6月生日！」

《蘋果動新聞》訂閱新世代，4月開始免費訂閱，現在接受登記！
http://bit.ly/2Ja3IXw
-----------------------------
《動腦Q》周末主題夜
追加星期六、日 9:30 pm
星期一至五 10:30 pm
Day Day Q the money!
https://hk.adai.ly/veCxssynnV