由火火編導兼監製、商台製作的舞台劇《戀LoveLove》，大講現代人兒戲的戀愛觀。劇中安排多對同性及異性戀情侶台上激吻，但火火強調這並非同性戀劇。眾演員謂大家朝夕相對多時，難免產生感情，而小儀大爆10年前與梁漢文（梁炳）做舞台劇，一度太投入而戀上他，完成舞台劇才抽離角色。

由火火編導兼監制、商台製作的舞台劇《戀LoveLove》，將於1月舉行4場表演。日前有份演出的DJ小儀、細蘇、朱薰，聯同其他演員Otto、嘉星、April，在商台宣傳接受訪問。這套劇講述現代人的愛情觀，火火謂：「家嘅人拍拖，未必係一對一，佢同你一齊，可能間中又同你個朋友『聯誼』，而嗰人又會有另一個情侶。但我哋上一代，佢哋嘅愛情可能係一生一世，分手好痛苦，但家就好似傷風感冒，過幾日冇事。」

「以為拍過拖」

劇中講述男跟女的愛情，亦有男與男的愛，小儀跟陳康一對、朱薰與小肥做情侶及細蘇、Otto一對。他們皆被火火安排有親吻的場面。小儀謂做舞台劇那段時間，特別對拍檔產生好感：「因為你會好投入，好易就真係鍾意咗對方。差唔多十年前，我做森小歌劇團，同梁漢文好多對手戲，鍾意咗佢，自然好關心呢個人，真係以為係拍過拖。當然呢啲係單方面諗法，佢唔認同。」
細蘇也認同會日久生情，問到他與Otto會否發生類似情況，而日後改變性取向，他說：「呢啲真係未知，要正式排先知道。」但是，火火強調此劇並非主要講同性戀，希望觀眾不要誤會重點。至於剛結婚的朱薰稱做親熱戲好緊張，她說：「最初知道要錫，認真考慮過。」她表示丈夫一定會來看，但不敢叫老爺奶奶欣賞。
採訪、攝影：王連連