日前有報道話，王菲大女靖童親密照流出，話16歲嘅佢，去年底被送去美國讀書，近日同一名外籍俊男親密照流出，相中不乏兩人搭膊頭、甚至男方輕吻童童額頭嘅相，更形容對方係「嫩版JohnnyDepp」，話佢哋拍緊拖喎。據知呢位「嫩版JohnnyDepp」叫Christopher，係靖童喺北京讀國際學校嗰陣嘅同學。

其實睇番啲相，呢位Christopher同其他外國年輕人一樣，都愛攬攬抱抱影合照，當中亦不乏同屬北京國際學校嘅外籍女生，影合照時難免有「肌膚之親」；反之相比之下，Christopher同靖童嘅合照，就顯得有啲「生外」。

不過都有意外收穫嘅，就係Christopher好開心見自己上咗香港娛樂雜誌，更「開心」嘅係…俾人話佢係「嫩版JohnnyDepp」。佢今日喺社交網站寫道: 「Ican'tstoplaughing.ApparentlyI'mJohnnyDeppinChina.」