身為練馬師，當然最想幫每個馬主贏馬。家陣贏咗九W嘅呂健威，肯定想幫「繽繽紛紛」交功課。事關早響十幾年前呂健威仲做緊陳柏鴻副練嗰時，已經同「繽繽紛紛」馬主葉錦輝好熟，難得今季發圍，贏馬又點少得佢嗰分。「繽繽紛紛」上季到港只跑過四場，上次初跑1400米已見有多少後勁，上周日報跑1600米後備二出唔到，跟手即用保護權跑聽晚嘅1650米。咁有決心，睇嚟威哥真係想交代。