當年今日

「同男友鬧交谷住喺心」
陳霽平高難瑜伽治情傷

蘋果日報 2004/07/02 00:00


陳霽平苦練瑜伽兩年,原來她曾以此平復與男友吵架時的情緒,現在陳霽平但凡遇到不開心的事,均會用此出一身汗發洩一下,既能抒發心情又可促進健康,一舉兩得。
陳霽平兩年前開始學習瑜伽,經過多番鍛煉後,她已成為高級組學員,雖然每次做完瑜伽都會有點腰痠背痛,但陳霽平現時仍保持一星期做一次,幫助促進血液循環和紓緩情緒。
陳霽平日前由教練指導下再次練習瑜伽,向高難度動作挑戰,現場見陳霽平輕鬆地做出倒豎葱和單腳獨立等多個高度難動作,可見她下了不少苦功,難怪連教練都稱讚她做得相當好。

目標腳擺頭頂
陳霽平表示初學習瑜伽時剛剛與男友吵架,她說:「因為自己性格比較靜,同男友鬧交唔知點發洩,啲脾氣谷住喺心。練習瑜伽後,發覺呢樣嘢對身體有幫助之外,個過程重可以出一身汗抒發情緒,所以唔開心嘅時候玩瑜伽都會令心情好啲,亦可以挑戰自己,每次做到唔同嘅新動作。」
現在陳霽平最希望的是能輕而易舉地做到瑜伽的高難度動作,她說:「其實我已經進步咗好多,但目標係可以好輕鬆咁將隻腳擺到頭頂上,但睇嚟都要一段時間。」
採訪:卓寶花
攝影:陳烱威
髮型:AndyWong(Chin.G)
場地提供:HALZONE
empty
陳霽平這個倒豎葱動作,難度相當高。
empty
玩了瑜伽兩年的陳霽平,希望有日能做到將腳放到頭頂上的動作。
empty
陳霽平表示現在一星期做一次瑜伽,保持身體健康。