苟芸慧今日到中環出席歐米茄手錶活動派對，同場嘅仲有韓國女星宋慧喬，苟姑娘話今日見到宋慧喬，就講到其實噚日都好搞笑，喺機場接爸爸，準備慶祝父親節，原來當時佢哋一齊落機，見到一大班人，又唔知發生咩事，跟住就見到daddy同喬妹一齊出嚟。見到成班人圍住佢，問到有冇睇過對方嘅劇，佢話都有睇，希望一陣可以同佢打招呼，影張合照。

問到係咪覺得佢同宋仲基好登對？苟姑娘就話：「係呀，好有夫妻相，好sweet！(你同陸漢洋有冇夫妻相呢？)嘩，好驚喎！其實有啲位就越嚟越似嘅，但係呢，佢話我識得佢越耐就越嚟越靚囉。我就笑下就算，但我就覺得佢對眼就大咗啲。因為前排同佢影咗一輯相，當時以為佢劃咗眼線，但原來係冇嘅，(影婚紗相？)唔係，喺紐約時幫一個studio影相，當時係戶外影相，因為佢係現場，只係客串借咗佢背脊影。」苟姑娘仲借呢個機會，大讚未婚夫好sweet，好錫佢㖭。

苟姑娘仲借呢個機會，大讚未婚夫好sweet，好錫佢。問到佢哋幾時正式影婚紗相？佢話：「都安排緊呀，我諗都會喺歐洲。」至於婚期，苟姑娘依然大賣關子：「應該係年尾嘅，但佢(陸漢洋)就唔想講咁多婚期嘅嘢俾我知囉，不過就有同我父母商量。(上次雙魚河被人影相喎？)其實只係約朋友飲嘢啫，我呢排都好忙，冇專心搞婚禮嘅嘢，希望六月後，佢比賽完，靜一陣，一生人一次，都希望有機會參與吓嘅。」1

精選娛聞，喺晒《娛果》
http://fb.com/appledailyent