新世界中國(917)對上一次見報係7月30號,股價到家陣只得9%進賬,繼續揸實,等食大茶飯。呢期北大人為免地方濫批地,再推出「新國八條」嘅土地緊縮政策,祖國有關部門已經預期,地價因此上漲50%。呢項措施提高咗新入門者門檻及成本,但對原本擁有龐大土儲嘅地產商,就百利而無一害。好似新中,家陣喺祖國控有1.5億平方呎土儲,係新政策大贏家。
再講,新中NAV6.2元,現價(3.26元)折讓47%,已經夠吸引,又因為新政策推出,齋計地價升值,新中都水漲船高。新中再秤後NAV去到7.8元,實際折讓58%,仲唔流口水?新中現價翻半番,去到4.89元,到時,NAV折讓仲有38%,相對中國海外(688)及合生創展(754),P/B閒閒哋講緊兩倍幾三倍水位,新中要向上爆,實情大把空間。