【孻仔孻心肝】鄧洢玲哥基犬後腳乏力兼腳震 每周針灸兩次
蘋果日報 2020/03/12 14:00
阿旦哥基犬鄧洢玲
愛狗之人鄧洢玲（阿旦）現家有兩頭哥基犬，當年她親手為母狗接生，一胎7隻就為牠們取名「東南西北中發白」，但有些小狗夭折，有些送朋友，阿旦養了東東和發發，當正囝囝痛錫，轉眼兩狗都11歲，老狗身體都開始有毛病。阿旦表示孻仔發發近日後腳乏力，她帶發發看過獸醫都找不出原因，現在改每周兩次針灸，希望幫助改善情況。
阿旦今日接受《蘋果》訪問時說：「發發雖然11歲，但好多人都誤會佢係未夠1歲嘅小狗，因為佢唔太肥，仲非常好動。哥基天生容易有腰椎盤嘅問題，佢呢排後腳冇力同成日震，我都好擔心，帶佢睇醫生，不過醫生話未搵到原因，唔似係腰椎盤有事，似係神經有啲問題，所以要做針灸或者物理治療睇吓有冇改善！」
阿旦家有兩隻哥基犬。
愛犬發發後腳冇力要針灸。
阿旦帶愛犬看醫生。