被本報獨家踢爆同彭順sweetsweet行街街嘅26歲0靚模李悅彤（Liddy），本來佢個微博都有好多曬腿嘅靚女相，不過唔知係咪知道東窗事發，下晝開始，Liddy就將個微博內容逐條逐條刪除，其間佢亦在線0架，至到夜晚10點，佢就差唔多剷晒成個微博嘅嘢。

不過咁，世事嘅嘢又點會盡如人意呢，今日報紙出街之後，相信大中華傳媒關心呢單新聞嘅，都應該已經喺微博上面搵到好多相喇。