由韓國MBC電視台主辦嘅大型拼盤演唱會「KoreanMusicWave」噚晚喺北京鳥巢國家體育場盛大舉行，一眾當紅組合包括少女時代（少時）、EXO、CNBLUE等都出席擔任表演嘉賓。

作為演唱會人氣嘉賓之一嘅少女時代雖然今次再次因為成員秀英要拍攝劇集《我人生的春天》同「被退團」成員Jessica雙雙缺席嘅關係，再次以「七缺二」嘅姿態現身，但少時仍然狀態大勇，而且7女喺前晚由韓國抵達北京之後，雖然落機時明顯好攰，但佢哋都未有直接返酒店休息，反而直衝演唱會場地進行綵排，認真專業。

而少時師弟圍EXO前日亦一早由韓國飛到北京作準備，雖然因為另一中國成員鹿晗退團而EXO只係得10人現身。