【睇通睇透】久休復出馬 晨課脫胎換骨 (魯賓遜)
魯賓遜睇通睇透龍城猛將
兩位南非籍練馬師今季成績甚為理想,霍利時已贏21場,而苗禮德亦有18Win,在練馬師榜分佔第九及第十位。周日(26日)上陣的時廐及苗廐馬,全部配上外籍大師傅,動態有搏殺手影。
第一場四班1000米,苗廐「龍城猛將」今次是休後今季首次上陣,最近戴眼罩試閘,走勢判若兩駒。1月21日試谷草1000米閘,沿途走外叠望空跑,末段出腳仍維持勁度,戴眼罩後情緒變得集中。2月7日再試田草1000米閘,一放到底大勝五個馬位,姿態似足上季四勝直路賽的廐侶「快寶駒」,而且牠的締速58秒35,是當日五組同程試閘第二快時間,僅次之後在一班賽贏馬的「海翡翠」。今仗初戴眼罩上陣,應可交出脫胎換骨的好表現,如有五倍可博Win。
同場「善傳千里」在外地試兩次閘都贏,來港後多次試閘都前列而回,已經完全成熟的三歲馬,今仗潘頓揀騎此駒,初出即拚決心大。「快閃的」上年六月在新西蘭贏過1000米試閘,操到足才運港搶糊的早熟貨色,初出要重視。「積極皇」上仗初出贏同程,勝後仍安排試閘,操練相當積極,有添食之意,要兼顧。