黃芷晴及陳安立（Brian）今日於喺柴灣為ViuTV 99台實況節目《雙商》拍攝，二人於其中一個單元飾演一齊做生意嘅情侶，佢哋話喺劇中只有擁抱，未有特別親熱鏡頭。芷晴話：「實際上我同男友經常因為小事嗌交，唔適合一齊做生意。」佢又透露早前為朋友生日製作蛋糕，招來不少訂購查詢，佢正構思喺網上售賣，免卻租金壓力。

至於曾與劉佩玥（Moon）傳緋聞嘅Brian，對於有傳女方已覓得富貴男友，佢話：「佢應該keep住傳緋聞，上次一齊食飯俾大家誤會。我同佢讀書時候已識，Moon咁正，我就冇乜機會，大家係好朋友。」Brian又表示o依家單身。