梁慧恩、可嵐同湛淇清今日喺新蒲崗出席有線節目宣傳活動，受家暴困擾嘅可嵐本來報警求助，但警方通知證據不足雙方銷案，佢話：「已向警察投訴科投訴，基本上警察冇同我正式落口供。本身社工有跟進，但電話經常打唔通。」佢話依家搞緊離婚手續，又申請緊法援，佢話：「原本用不合理行為申請離婚，可快處理件事，但依家銷咗案，雙方要分居一年先可以離婚，相信程序上可能花一、兩年。」

另一邊廂梁慧恩籮咁大個肚跟丈夫到場，預計9月27日剖腹。另外，講到身在紐西蘭拍戲遇片場失火嘅表姐夫甄子丹，湛淇清話：「好危險，佢應該好辛苦，佢拍動作片每次返來都一身傷。」