噚日舉行嘅大鐘獎，戲劇性9大入圍嘅影帝影后都唔到，連同某啲得獎者都唔到，搞到現場場面冷清，更連累身為主持人、韓劇《天國的階梯》男星申鉉濬要頻頻上台代領獎，先後上台達3次，之後又要孖孫藝珍做埋頒獎嘉賓，難怪佢上台後都笑笑口話好攰。

噚晚因為太多得獎者冇到，所以大會就要安排其他人代理獎，場面都幾尷尬。而身為頒獎禮主持人嘅申鉉濬就只好捱義氣幫各位冇現身嘅同行代領獎，搞到佢上台之後都連番講：「我一定會把獎盃交畀獲獎者。」即時引發台下大笑。