【有樓收租唔使愁】黃心穎約家姐出關 貼攬狗自拍照自娛
蘋果日報 2020/03/12 16:56
黃心穎黃心美
因疫情關係，圈中不少藝人都要緊急將工作煞停，收入雖然大減，但就多了時間留在家中陪伴家人。去年12月返港的黃心穎，連月來雖然冇工開，但就自爆有樓收租不愁生活，她日前回應傳媒時，坦言無意轉行，會靜待時機復出。不過網民對她的「復出宣言」反應好壞參半，能否成事，看來就如她所講一切都要「隨緣」。
賦閒在家多時，黃心穎雖然未有機會見見老友，但她就不時相約幾位家姐包括心美、心妙和心慧出街飯聚，四姊妹感情得以昇華。日前，心穎又和家姐出動為好友慶祝生日，只見相中人人不戴罩，對着鏡頭四萬咁口，幾位姊妹笑容一致。
除了維繫姊妹情，黃心穎連日來都勤於更新IG，每隔數天便會貼新相，相片內容大致歸類為玩狗和湊B兩款，今日她又在IG貼出攬實愛狗的自拍相，並以英語留言表示自己難以相信僅一個月時間，狗狗的體重便升了超過一倍，又指愛犬是最可愛的家中破瓌王，再hashtag#領養代替購買#唐狗也是寶。
黃心穎今日又貼出攬狗相。（IG圖片）
日前她和家姐出街為好友慶祝生日。（IG圖片）
四姊妹一條心。 （IG圖片）
抱着姨甥女豆豆大晒iPhone和卡地亞手鐲行頭。（IG圖片）