今日有報道指，英皇金牌經理人、現任北京英皇副總裁和香港英皇藝員部及唱片部總監霍汶希(Mani)，向傳媒直認已為人母，女兒Honey(暱稱)今年九月要上幼稚園。至於BB爸爸，則是內地富商，身份神秘，只知個子高大，生意遍及海外，外形穩重，據報道形容為「有懾人的威嚴」。Mani表示2011年與這名商人男友分手、結束兩年情，豈料卻於分手後發現自己懷孕。

Mani在訪問中透露，發現懷孕，覺晴天霹靂，但生兒育女是其夢想，而男方亦表示願負責任，但Mani認為兩人性格不合，相處如火星撞地球，故最後決定獨力照顧BB，並決定放大假，到美國安胎。2011年，Mani向英皇二度請假赴美留學，就是這個原因。孖生妹妹Noven亦有同行。

Mani表示，當時真係去咗報讀英語校外課程，日日返學，但天氣越來越凍，路亦難行，加上荷爾蒙變化好大，令Mani情緖不穩，幸好佢同自己講﹕「為咗個女，點都得﹗」終於捱過。至於分娩當日，重提此事Mani仍猶有餘悸。佢話當時係半身麻醉，所以成個過程係清醒，仲感到醫生不停按住佢個肚，幸好胞姊一直陪同在側。