由河正宇、車太鉉、李政宰等主演、被視為今年底最受注目嘅韓片《與神同行》，上周三喺韓國開畫，下月11日就會殺到嚟香港。

《與神同行》於韓國開畫當日即吸引逾40萬觀眾捧場，截至噚日上映第五日累計觀影人數已破300萬人次，噚日平安夜單日有逾126萬觀眾捧場，繼續冧莊做票房冠軍。而截至韓國時間今日早上7時，《與神同行》上映第六日累計觀影人次突破咗400萬人次。

今年喺韓國唯一一齣破千萬人次嘅韓片《逆權司機》，都係用咗六日就達400萬人次，睇《與神同行》嘅走勢同《逆權司機》一樣，估計今日聖誕節亦會吸引逾百萬觀眾捧場，有望同《逆權司機》一樣成為千萬電影。

另外，《與神同行》方面公開一眾演員賀電影破400萬人次嘅合照。

更多韓流，喺晒《娛果》
http://fb.com/appledailyent