坦言「貪平」的陳先生,一向選用國際長途電話卡致電廣州親友,約三個月前,他在灣仔一間沖曬店購得一張標榜「$0.29一分鐘」的「彩虹咭」,面值一百元,最初使用時未發現有問題。
惟其後「愈用愈唔妥」,一百元面值的電話卡,本應有逾三百四十分鐘通話時間,但「好快用完」,於是刻意記下每次通話時間,竟發現被多扣,「明明重有六十二分鐘,但係講唔夠四十八分鐘就用完,每次扣多十幾分鐘,打十次咪唔見成二、三十蚊?好離譜。」
通話多扣十幾分鐘
陳先生不忿的向本報投訴,「話就話『兩毫九』一分鐘,但係呃呃埋埋,條數都幾襟計。」最氣憤的是,他多次致電印於電話卡後面的客戶服務熱線投訴,但一直無人回覆。
陳先生又指,過往購買另一款電話卡時,亦遇「被呃」情況,該張聲稱每分鐘$0.19的電話卡,竟在每次通話二分鐘時自動扣除六角手續費,「講十分鐘就俾佢扣多三蚊,但係張卡完全無寫有咁嘅條款,擺明係呃人。」陳先生認為此類電話卡猶如「無王管」。
本報致電發行「彩虹咭」的電訊商查詢,但至截稿時未獲回覆。