漫畫界畫神馬榮成（馬Sir）同「歌神」許冠傑（Sam）將首度合作，為Sam喺下月舉行嘅3場演唱會擔任舞台設計，仲會將Sam繪畫成漫畫人物，而且又有充滿「香港回憶」環節短片。聶風、無名和步驚雲三位《風雲》人物率先喺個唱中掀起序幕，Sam此時就從天而降，官恩娜就化身漫畫女主角演出。

Sam同馬sir前日喺觀塘開會，Sam好開心咁話：「不嬲好欣賞馬榮成，今次演唱會想搵啲突破，主題係世界多美好，想畫啲天馬行空、浪漫同科幻啲畫面，所以邀請佢出山。香港依家怨氣好重，希望個騷帶歡樂同正能量畀觀眾。我仲會同新抱（懷谷太太）合唱《無敵是愛》，全家出動。」講到馬sir係咪已經封咗筆﹖佢話：「未封晒，做到今年年底就完。」佢仲話同Sam合作好好玩。