剛過去夜賽（28日），如大家細心一看有兩位騎師於直路頭段的發揮並不理想，賽後報告亦有提及到。

先講早前我力讚進步的見習騎師巫顯東，他今季無論韁繩操控，留放都大幅進步，包括策騎後上馬亦比上季好，所以近期成績捷捷上升，只落後華將一哥梁家俊兩場頭馬，但畢竟是剛升格減五磅的見習生，難免陣上發揮有時有差別，剛策騎「頌友」於彎位試圖於內檔取位而判斷錯誤，被小組嚴厲譴責，因為如果早於外檔取位，論走勢很大機會是頭馬。

見習生判斷錯誤我認為值得原諒，但在港早是G1騎師，跑過數千場賽事的大師兄就不得原諒，蔡明紹「加州福星」早段未能取得內欄放頭情有可原，事關巫顯東早段力迫「越影」取得內檔優勢，而削弱對手機會，但為何蔡明紹騎「加州福星」去到最後250米仍未大力推騎呢？小組於星期六詢問他，我們等待解釋吧！

今期（3日）第十場三班1400米，「都靈紅星」戰意鮮明求交代，來港後跑三仗一場比一場進步，起初仍有昂頭壞習慣，但近期走勢漸入佳境，上仗直路出頭後被「常拼常勝」趕過，但終點前「都靈紅星」再交出一段追勢得亞軍，馬匹充滿鬥心。最近「都靈紅星」大閘馬身線條顯型、出步強勁勝出，羅富全已展開第二輪攻勢，此駒可做膽。

「都靈紅星」對手先留意「佳知武仕」，四歲馬來港前連勝四場，由千二贏到上一哩，上賽在港初出谷草1200米經已走光，入直路潘頓未能使出連環鞭，塞車下按住過終點仍有第五，只負1.25馬位，馬匹有型有款，大馬增程過沙田有力變身。「老友威威」評分已有利，田泰安早已過檔，冷門要防。