馬勒當拿猝逝同一天，鄭月娥一副飲樣，恤髮換了兩套衫，桃紅色戰衣襯藍底施政報告，左手無名指戴着鑽戒，明顯宣告，儘管銀行戶口咳咗，出糧迫住收cash成屋現金山，卻是個人的莫大榮幸。寵幸之身還可以任性地騷鑽吸睛，與跳老舞的富婆姣婆割席。當然，也向吸毒酗酒的球王挑機，所謂歷史，只有留低的人有命寫，馬先生（真係有人咁叫）突然被上帝感召，撞正施政報告出爐，前世唔修，獻世的鄭月娥，大鳴大放表示，座右銘得四個字：問心無愧。我做聽眾個心離一離，球王就是心臟病突發猝死，睡前一句「好唔舒服」成為遺言。鄭月娥何以問心？一年半了，總是自問自答的鄭氏，對潘母過橋抽板，重loop施政卓見成效，追究殺人犯陳同佳，與通識科一樣，從第一天起，已經係「錯」㗎嘛，球王上身，用手將個波射向台灣。

勁擦口紅除罩硬銷報告的鄭氏尊容衰在太自嗨，令人「好唔舒服」。蓄意直銷重新出發，神託會培敦中學校長唔理好醜，命令學生寫信稱讚鄭月娥。神無托！佛有火！下令重新查看尚德停車場倒卧血泊中的周同學，重創中仍想撐起來的身影。惡毒摧毀年輕人性命毀滅香港前途的始作俑者鄭月娥，笑住講重新出發。上帝聽到，無空間發笑了，發出密召，讓惡魔出馬，回收同類！