【離開星夢】何雁詩新歌MV棄用靚仔 請「御用惡人」黃文標做男主角
蘋果日報 2020/03/10 17:48
何雁詩黃文標致有夢想的人
大台超級巨聲出身的何雁詩，在星夢唱片多年卻不獲力捧，淪為吳若希和菊梓喬的襯托，去年約滿後決定離開，轉做獨立歌手，第一首歌《致有夢想的人》MV終於面世，男主角更棄用靚仔model，何雁詩請了甘草前輩黃文標演出，並一腳踢統籌MV拍攝。
首次以獨立歌手身份出歌拍MV，何雁詩感覺好神奇，「好多以前唔識做嘅嘢，都要自己學習去完成，小至整graphics、剪片，到大事如傾價錢、簽合約、發行等等，都係第一次接觸，好有挑戰性，喺《致有夢想的人》呢首歌裏面，我最鍾意一句歌詞就係『有夢想的人，拒絕不可能』，希望用呢個座右銘去繼續我嘅音樂路，將本來自己覺得無可能嘅事情逐個擊破。」
歌曲由音樂人Cousin Fung為她度身訂造，為了今次合作，兩人重看了何雁詩於10年前的演唱片段，希望用這首歌勉勵自己及曾經有夢想的人。「可能係感覺良多，我亦都係第一次喺錄音室喊到唱唔到，結果大家早咗收工。」
而MV的故事靈感，來自何雁詩最近一次叫外賣的體驗，「好榮幸搵到黃文標前輩擔演MV嘅男主角，由於喺構思大綱嘅時候，一直picture緊主角必須係好貼地，而標哥演技十分十分十分好，實在幫MV增添好多色彩。」
何雁詩棄用靚仔model，請了甘草前輩黃文標做MV男主角。
一腳踢參與MV統籌
何雁詩首次以獨立歌手身份出歌