中大推行國際化，喺世界各地招兵買馬，請猛人來港任教，近排仲獲奎師那知覺協會（香港）捐出400萬，重金招聘原本喺牛津大學任教嘅KennethValpey，嚟中大宗教及文化研究系任助理教授，係本港首個專門研究印度文化嘅教授。
57歲既Kenneth係美國人，1972年起研究瑜伽，信奉埋印度教，每日要冥想。Kenneth同八方講要嚴守飲食戒條，不煙不酒，唔食肉、蛋，係正宗素食者。佢話為免出街食飯唔啱胃口，所以多數自己整幾味，或者喺尖沙嘴嘅印度寺訂外賣，至於玩瑜伽，佢笑言自己唔係幾叻，唔敢隨便教學生。