當年今日
關於我們

又係國際賽出事 祖記中場今季收咧

蘋果日報 2017/03/29 22:10

祖雲達斯克羅地亞馬高比查卡

《ESPN》報道,效力祖雲達斯嘅前鋒馬高比查卡因為喺國際賽檔期受傷,證實十字韌帶撕裂,今季提早收咧。
踢太公波受傷對球會嚟講本來已經係最唔希望見到嘅事,好衰唔衰,馬高比查卡仲要係踢友誼賽果陣受傷,克羅地亞仲要0:3輸俾愛沙尼亞。今年21歲嘅馬高比查卡堅係打直行入場,畀人打橫抬返出嚟,克羅地亞足總禮拜三做完檢查後,證實呢位祖記前鋒係十字韌帶撕裂,今季都唔使再預佢。對祖記嚟講,不幸中嘅大幸係馬高比查卡並唔算係球隊嘅絕對主力,呢位翼鋒小將今季喺各項賽事只係上陣19場,入咗一粒波。