當年今日
關於我們

獨闖銀幕 激瘦二十三磅
Miki墮胎等天佑畀錢

蘋果日報 2004/08/06 00:00


Cookies成員楊愛瑾(Miki)近期正式闖大銀幕,激瘦二十三磅的她在電影《餃子三更2之一》中扮演一名被父姦污後,還要由白靈所飾的醫生為她墮胎的少女,Miki笑言緋聞男友徐天佑如要看她的「墮胎」經過,就要畀錢買飛捧場。
現年十九歲的Cookies成員楊愛謹,近期以個人姿態進軍大銀幕,拍攝由陳果導演的《餃子三更2之一》,她在片中扮演一名被父姦污後不幸懷孕的少女,結果由白靈所飾的黑市醫生為她打掉孩子。

想增肥五磅
今次是Miki首次撇下其他成員登大銀幕,問她會否請緋聞男友Shine成員徐天佑入場睇戲?Miki日前在尖沙嘴接受本報訪問時即笑說:「唔會特登請,想睇就自己買飛,要有票房呀嘛。」
早前有傳Miki與天佑分手,日前見她確比前消瘦了一個圈,她也承認體重由初入行的一百一十八磅下降至近日的九十五磅,激瘦二十三磅的原因是否與情變有關?Miki即說:「唔關事,都冇拍拖又何來分手?我唔係一下子瘦嘅,但我已經食好多嘢,唔知點解會瘦,我都想肥番五磅。」
對於她與天佑之間的關係,Miki說:「一路都係朋友,初初啲人咁講我哋係有啲尷尬,𠵱家冇嘢啦,公司冇話唔畀拍拖,如果我拍拖會公開。」

向白靈學習
此外,Miki在《餃》片的對手是曾接拍荷李活片的白靈,所以她甚為緊張,第一天在片場開工已驚到瑟縮一角,她說:「白靈係國際級人物,我好留意佢一舉一動,聽講佢一個人喺內地去到荷李活試鏡,當時佢又唔係太識英文,但啲導演又揀中佢,佢真係好犀利,我好佩服佢,所以我喺佢身上學到好多嘢。」
採訪:朱倬誼
攝影:林德雄
髮型:Vince(ILColop)
場地:hystericmini(harbourcity)
服裝及飾物提供:Sistyr
empty
Miki由初入行的一百一十八磅下降至近日的九十五磅,看來她要加把勁增磅了。
empty
Miki在片中面對國際級影星白靈,感到有點膽怯。