自攜反光板影靚啲
蕭芳芳幫憶蓮劈友

蘋果日報 2014/08/12 00:00

蕭芳芳昨日以護苗基金會會長身份舉行「道謝愛心記者會」，答謝林憶蓮、那英、張惠妹及蔡健雅四位將演唱會收益捐獻給其基金，並於記招上逐一答謝她們。
以神秘嘉賓身份到場的憶蓮，甫出場即跟芳芳姐抱抱，豈料因憶蓮的上衣太鬆身，故不慎走光露出白色喱士bra。已有好一陣子沒見傳媒的芳芳姐，記招上大發笑彈，先是拍照時拿出反光板說：「影得我風韻猶存啲，因為我冇事業線，所以要咁樣編輯先會出我張相。」之後芳芳姐又表示今個記者會是為憶蓮「劈友」，她說：「今日我係要幫憶蓮劈友，個演唱會賣到7、8成嗰陣啲人就話冇晒飛，所以我要幫佢劈友，𠵱家係仲有飛賣。」在旁的憶蓮聞言即笑不攏嘴，她為芳芳姐解釋說：「係闢謠，因為普通話發音同劈友好似。」
empty
蕭芳芳肉緊攬住憶蓮咀，令憶蓮不慎露喱士bra。
empty
記招上，芳芳姐即場播放四位歌手的錄像，逐一答謝他們的捐獻。。
聲言愛上憶蓮
由於芳芳姐聽力不佳，故記者會上憶蓮不時為她充當傳譯員，芳芳姐則大讚憶蓮愛心爆棚：「今次合作真係開心到癲咗，我幾十年前睇過憶蓮嘅演唱會，當時佢仲係少女，而我仲未聾，當時已經覺得佢好用心，到之前同佢零距離接觸，我簡直愛上佢！佢係個好勤力好細心嘅人，抵佢喺樂壇咁紅企得咁硬！」
至於問到芳芳姐會否為演唱會擔任特別嘉賓？她則表示因為耳疾問題而不能擔任：「因為我耳仔問題，太嘈嘅地方會耳鳴，做完呢個記者會返去都要唞幾日先得。」
採訪：譚倩宜
攝影：沈健程
empty
蕭芳芳（右）雖聽力不佳，但無礙熱心行善之舉。