【陳家樂否認】契哥契妹掩飾拍拖？ 陳瀅尷尬：我冇諗呢樣嘢

蘋果日報 2018/12/04 17:16

陳家樂陳瀅
    陳瀅日前被《蘋果》獨家拍得同陳家樂喺中環撐枱腳，今日陳瀅現身將軍澳出席活動，接受訪問時，記者問到係咪要恭喜佢同家樂？陳瀅即刻話：「唔係，我哋兩個只係普通食飯，當日因為一齊拍完劇收工。」但影到你車陳家樂返屋企？陳瀅再話：「因為我屋企樓下就係港鐵站，家樂冇揸車我就車埋佢，我返咗屋企後再出咗去，我好多謝記者朋友呢樣都有寫出嚟。」
    陳瀅話好明白兩個單身嘅人拍埋同一套劇會容易傳緋聞，自己之前亦都試過，佢強調同家樂完全唔係拍拖，咁覺得家樂為人如何？陳瀅大讚佢好專業好勤力，屬唔屬於你杯茶？陳瀅話：「我冇諗呢樣嘢，雖然有工作人員話我哋似兩兄妹。」記者笑佢用契哥契妹嚟掩飾拍拖呢條橋好老土，陳瀅即刻招架唔住，扭轉身尷尬地笑。
    陳瀅話自己呢排好忙，自己都唔夠時間用完全冇諗拍拖，暫時亦都冇人追，問到會唔會因為今次刻意同家樂避忌吓？佢話：「其實食飯好正常，冇必要避忌，咁人人都要食飯㗎啦。」
    精選娛聞，喺晒《娛果》
    http://fb.com/appledailyent
    empty
    攝影：陳慧安
    empty
    今日陳瀅現身將軍澳出席活動，同場仲有鄺潔楹及何廣沛。
    empty
    陳瀅日前被《蘋果》獨家拍得同陳家樂喺中環撐枱腳。
    empty
    記者問到係咪要恭喜佢同家樂？陳瀅即刻話：「唔係，我哋兩個只係普通食飯。」
    empty
    陳瀅話好明白兩個單身嘅人拍埋同一套劇會容易傳緋聞。
    empty
    記者笑佢用契哥契妹嚟掩飾拍拖呢條橋好老土，陳瀅扭轉身尷尬地笑。
    empty
    陳瀅話自己呢排好忙，自己都唔夠時間用完全冇諗拍拖，暫時亦都冇人追。