11年前，盈科數碼動力鯨吞香港電訊（008）後改名電盈；噚日，電盈將香港電訊重新上市。今次以信託形式上市，改名香港電訊信託（HKTT，6823），相信對唔少昔日香港電訊老股東嚟講，可謂別有一番滋味在心頭。
至於對主席李澤楷（Richard）嚟講，可能係了咗多年心願。可惜佢噚日冇出席HKTT上市儀式，惟有等HKTT業績會見到佢時再問佢有乜感受。因為Richard講過以後對電盈同HKTT，都一樣投放咁多時間，所以華華有理由相信佢會出席HKTT業績會。
講開又講，HKTT董事總經理艾維朗噚日心情勁靚，除咗滿場飛，接受訪問前仲用中文同大家講「早晨」㖭！